كام نكته على كيفك
مره واحد قتل حماته وبيحققه معاه فالقاضى بيقوله اسمك ايه؟ اله اكتب عندك فاعل خير
*****************
مرة واحد اهبل حب واحدة اتجوز اختها عشان يشوفها كل يوم
*****************
واحد صعيدي رايح البنك وواخد حبل معاه فواحد بلدياته قالو هتعمل ايه يامجنون قالوا هاسحب الرصيد
*****************
واحد صعيدى رايح يخش السيما قالها ادينى كذكرتين قالت له كلها كمبليت قالها ادينى اتنين كمبليت
واحدة حبت تفرح جوزها يوم الدخلة قالتله انا حامل
*****************
مرة واحدة قاعدة مع جوزها فى جو رومانسى فالست قالت لجوزها قولى كلمة حلوة قالها بقلاوة قالت له لا كلمة تهزنى قال لها مرجيحة قالت لا كلمة تحسسنى انى مراتك قال لها انتى طالق
*****************
مره واحد مسطول مروح بيته عمال يدخل فى المفتاح مش عارف فنزل الشارع لقى مراته فى البلكونه قالتله ايه يابو احمد ارميلك المفتاح قلها لا ارميلى الخرم
*****************
مرة واحد رخم وقع فى الحفرة قال لنفسه احسن
*****************
مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى.؟!.. فقام جوزها ونط من الشباك
*****************
مرة واحدة عجوزة تاهت في غابة طلع لها اسد قالت له ارجوك ماتكلنيش قال لها اطمني ياحاجة ماباكلش نواشف
*****************
مرة واحد صعيدى ماشى فى مصر شاف نجفتين اشتراهم فبعتها لمراتو فاتصل بيها قالها ايه رايك فى النجف قالتلو حلوين بس تقال اوى على ودانى
شوف وقول رايك
مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزلك هنا
**************
* سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا امور
****************
* واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37
****************
* واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور
****************
* واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
*****************
* مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا بابا المدرس بيقولى انا غبى ومبفهمش قالوا طيب انا هروح معاك المدرسة وهشوف المدرس المهم ان ابو الواد راح المدرسة قال للمدرس انت ليه بتقول على ابنى غبى ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى مكتب الناظر وتعالى راح الواد وجيه قال مش موجود فى مكتب الناظر راح ابو الواد قال ملقتهوش فى مكتب الناظر طيب انزل شوفو فى الحوش
******************
واحد بيقول لحبيبته (واحده ست ) يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محســـــن
*******************
واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت
*******************
مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!!
لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب...
الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها
******************
زوجه خوافه قوى كل يوم وهيه نايمة جنب جوزها تقوله الحق يا عبده أنا سامعه
صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت
********************
مرة واحد خد زوجتة حديقة الحيوانات و صورها جنب قفص القرود
و علق الصورة فى الصالون و كتب تحت الصورة
هذه صورة زوجتى مع القرود
ملحوظه زوجتى الثالثه على اليمين
********************
مره ولد صغير كل يوم يروح لمحل جاتوهات يقول لصاحب الحل عاندك تورته بالكوسه
يقوله لأ ياحبيبي تاني يوم يا عمو عاندك تورته بالكوسه يقوله لأيا حبيبي المهم الولد إستلم صاحب المحل 3 شهور و 12 يوم علي نفس النظام صاحب المحل قال لما أقوله اه فيه وخلاص جه الولد اليوم اللي بعد كده قاله عمو عاندك تورته بالكوسه قاله أه يا حبيبي رد الولد قاله يعععععععععععععععععععععع
**********************
ولد بارد راح لصاحب محل قاله عاندك كبريت يقوله أه يرد الولد يقوله طاب هاتلي كيس مكرونه تاني يوم عمو عاندك زيت يقوله اه الولد يقوله طاب هاتلي كيس سكر تالت يوم عمو عاندك بسكوت يقوله اه يا حبيبي يقوله طاب اديني تشيكلس المهم الولد استلم الراجل صاحب المحل كتير علي كده فلما الراجل قابل أبو الولد حاكاله المشكله فزعل أبو الولد وقال للراجل خد العصاية دية و لما يجيلك تاني إضربة بالقلم علي وشه.
معاك للصبح
واحد بيقول لمامته إيه اللى فى بطنك ده ياماما قالت له أخوك ياحبيبى تانى يوم راح المدرسة قالت له المدرسةعندك أخوات أجاب نعم بس ماما بلعته
********************
مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا
بدي كل فرخه نص جنيه وهيه تاكل اللي علي مزجها
*********************
واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع
********************
مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس
**********************
مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي
*********************
مرة حماة أرادت اختباره اجواز بناتها فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك
**********************
مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي
***********************
كان فى مرة اثنين رجالة مشين فى الشارع فشافو واحدة ماشية بتعيط علي جوزها فقام رايح واحد من الرجالة بيقول للتانى ايه رأيك بقى ان الست دى بتمسل قاله ازاى ياعم منتاش شيفها ماشية بتعيط على جوزها طب استنا وانا هوريك فراح جمبها وقل اه بس ياقمر لو تقولى انت ساكن فين وانا هنسيك كل الى شفتة فقالت اه ه ه ه ه ياحبيبى ياجوزى يلى كنت مسكنى فى المهندسين عمارة20 شقة 14
*************************
مرة واحد هو وابنه ميعرفوش هو ايه الاسنسير بس شايفين الحيطة عمالة تتفتح وتتقفل وهما مش فاهمين حاجة ...المهم جت واحدة عجوزة ظغطت على الزر اللي في الحيطة ودخلت الاسنسير وبعد شوية الاسنسير نزل وطلعت منه شابة جميلة فالراجل قال لابنه روح هات امك هنا
*************************
مرة واحد نازل من بيتة عمال بيصرخ ويزعق وبيقول ألحقوني يا عالم ألحقوني يا ناس حماتي هترمي نفسها من الشباك ألحقوني بالأسعاف ألحقوني يا عالم ففي واحد صحبة سمعة وهو جاي من على أول الشارع فقلة أية في ايه أنتا بتزعق ليه قام صحبنا قاله حماتي هترمي نفسها من الشباك قام رادد عليه صاحبه وقاله وأنتا ايه أللي مزعلك قام قاله الشباك مش عايز يفتح |
